•Ms Whisky dem get so much wud from de prophet she take off from de church service say how she have duties to perform in she church. Ms Whisky dem get so much wud from de prophet she take off from de church service say how she have duties to perform in she church.
• Dey say dat she was so bazurdee from all de wud dem dat she forget where she did park she jeep.
• Dey say dat she call who plan de church service and tell dem dat if dey ever go back to dat church again, head gon roll.
• Idi Amin couldn’t tek de wud dem from de other holy man dat he ley go one long strupes, get up wid a load a flourish and walk out de people dem church.
• But people in de know say dat anytime is time to pick up de offering, he does play like he got to go relieve he self, run out de people dem church and don’t come back.
• People was wondering how he get out de supermarket wid so much saltfish but dey say dat he had on two pants and had de underneath pants foot dem tie upwid he shoe lace dem.
• Dey say dat because he get through so good de first time, is go he was going back go tek up some more saltfish and das when he get ketch.
• Dey say dat he call Idi Amin to ask him to get de supermarket to give him a chance. But Idi Amin ain answer he phone unto now. So he tell somebody dat de carn believe dat after all dem pot a cook up Idi Amin beg him, he tun he back on him.
• De bicycle man beg Idi Amin a money to go get he visa. Dey say dat Idi Amin tell him dat if he don’t have money to go for de visa, where he gon get money from to go way if he get de visa?
• Idi Amin tell him dat if he give him money to go for visa he gon have to give him money when he done get de visa. He tell him dat he girlfriend on Cable board. He must ask her for de money to go way go get visa.
• De frilly mout deputy was on a boat ride and get so drunk and nearly fall off de boat dat de Coast Guard had was to come for him and tek him off de people dem boat quick, quick.
• Dey say dat he dance wid all de bodyguard dem. People say dat he and dem was dancing close, close and kissing passionately like newly weds.
• People who was on de boat ride say dat dey never hear so much bad wud and busing from a deputy. Dey say dat he so drunk and looking fight wid everybody dat de army man dem off de Coast Guard had was to hold him dung and he still did trying to wrangle way.
• Is three time de frilly mout deputy vomit up heself. Dey say dat he strip dung to he bright pink underpants and every man he see, he did dere trying to wuk up on dem and telling dem to come squeeze out he pimple dem for him.
• Idi Amin try to chastise Frilly bout de boat ride. But Frilly stop him up one time and tell him dat nobody ever had to remove no foreign object from any part a he body. And he must remember dat is de two a dem was under de bridge when dey get ketch.